رئيس مجلس الإدارة
محمد سعدالله
ads

حذف بسكوتاية مقرمشة من يوتيوب واتهام شاكوش بالسرقة.. تفاصيل

السبت 24/أكتوبر/2020 - 09:30 ص
صفحة أولى
ليلى إمام
طباعة
اتهم المخرج "مصطفى عامر" المطرب "حسن شاكوش" وصناع مهرجان "بسكوتاية مقرمشة"، بسرقة فكرة فيديو كليب "راسمك في خيالي" للفنان محمد حماقي، بعد فشل محاولات المخرج للتواصل مع الشركة المنتجة لحل الموضوع وديًا، ورفضهم للحلول المقترحة من جانبه، فتقدم عامر بشكوى لموقع "يوتيوب" الذي اتخذ كافة الإجراءات القانونية، والتي انتهت بحذف كليب الأغنية من الموقع.



وكان المخرج مصطفى عامر وجّه اتهامًا لصناع المهرجان بسرقة فكرة فيديو كليب "بسكوتاية مقرمشة" من فيديو كليب "راسمك في خيالي" للفنان محمد حماقي.


وكتب عامر عبر حسابه على "فيسبوك": "ده أكبر دليل إن اللي بيقدموه بعيد تماماً عن الفن لأنهم فقرا فن وماعندهمش حاجة يقدموها ودايماً بيعتمدوا إنهم يسرقوا مجهود الفنانين الحقيقيين، والـ4 دقايق اللي بتشوفوها كفيديو كليب بياخد من أي مخرج وقت طويل، مثلا كليب راسمك في خيالي واخد مني تحضير أسابيع وتفصيلة الإنترو لوحده واخد مني ومن اللي اشتغل عليه وقت طويل في التحضير وتفصيلة الـ sound effect لوحدها واخدة تحضير لإن فيه رسم الصوت على الخطوة وحركة الإيد وتفاصيل تاني كتير".


وأضاف: "فلما ييجي حد يريح نفسه على حساب تعبك ويسرق مجهودك فدي حاجة فعلا تضايق ومش عارف هنفضل لإمتى ساكتين على السرقة دي والمفروض إن هما كمؤديين ما يسمى مهرجانات بقى ليهم إسم وجمهور المفروض يحترموهم ويحترموا المهنة وصناعها لكن للأسف مش بيحترموا حد".


من ناحيه اخرى رد "شاكوش" على الاتهامات التي وجهت إليه بسرقة فكرة الكليب بقوله: "كل ما أقدم حاجة يقولو إني سارقها من حماقي، يا جماعة أنا مطرب مش مخرج، بأقدم اللي بيتقالي مش بألف من دماغي".


وكان شاكوش تم قبوله مؤخراً عضواً بنقابة الموسيقيين بعد اجتيازه اختبارات النقابة التي جرت خلال الأيام الماضية.
ads
ads
ads
ads
كبرت ولسه بتخاف من إيه ؟
كبرت ولسه بتخاف من إيه ؟