رئيس مجلس الإدارة
محمد سعدالله
رئيس التحرير
علي تركي
ads

«محدش يقدر يقرب منها».. السيسي يرد على تساؤلات الندوة التثقيفية الـ 31

الأحد 13/أكتوبر/2019 - 05:18 م
صفحة أولى
أشرقت محمد
طباعة
قال الرئيس عبد الفتاح السيسي، في رده على أسئلة المشاركين فى الندوة التثقيفية الـ31 للقوات المسلحة، إن الدولة المصرية تقدم كل الدعم للشهداء من المدنيين.

الندوة التثقيفية الـ 31 للقوات المسلحة
وأضاف الرئيس السيسي: «بمجرد استشهاد مدني من العمليات الإرهابية، بيتم صرف التعويض والمعاش، القيمة زي الجندي الشهيد، ده موضوع لو نقدر نعمله هنعمله وهنفذه، بشكل يليق بينا كمصريين الذين سقطوا نتيجة العمليات الإرهابية».


وتابع الرئيس السيسي: حروب الجيل الرابع تحدي كبير في المنطقة، ومحتاجين توعية كبيرة، وكل أب وأم محتاج يفهم أولاده بأن ما يتعرض له على السوشيال ميديا مش مظبوط، والكلام بدون أي أساس علمي، غير الاستهداف من جانب أجهزة وكتائب إلكترونية، احنا شغالين في النقطة دي، جزء كبير يعتمد على توعية المواطنين، والنهاردة بنشوف أهالي بيحطوا التليفونات قدام الأطفال الصغار وجزء كبير من الموضوع يعتمد على التوعية. 


وأردف الرئيس السيسي خلال كلمته في الندوة التثقيفية الـ 31 للقوات المسلحة: «أنا مطمن أوي على الدولة المصرية، وحد يقولي ليه، أنتوا بتصدقوا أن فيه حد يقدر يخدع ربنا، ياترى ربنا بيساعد المفسد ولا الصالح، ربنا مطلع على مصر وأهلها، إنهم بيسعوا في الإصلاح والبناء والتنمية، وأنا قولتلكم من سنين طويلة، أن مصر شهدت تجلي الله سبحانه وتعالى، ومصر لها مكانة وشرف محدش يقدر يقرب منها، وهذا يقين وليس كل ما يعرف يقال، الفترة اللي فاتت شهدت إساءة للجيش.. طب تصدقوا اللي الجيش عمله في الـ 10 سنين اللي فاتوا مش بس الدفاع هنا ولا هنا، ما أنا قولتلكم لما اتفقت معاهم قالولى تترشح قولتهم هتشتغلوا زي ما أنا عايز تحت رجلين المصريين ولا أقصد بيها تعبير سلبي، ولكن أقصد بها العمل لصالح مصر، اللي اتعمل من الجيش لبلده فوق الخيال ويتكتب في التاريخ».


وأشار الرئيس عبدالفتاح السيسي، إلى أن مسألة السيطرة على شمال سيناء في تحسن مستمر لكن الأمر يتطلب الكثير من الجهد للسيطرة الكاملة، مضيفًا: "حجم السيطرة والاستقرار الأمني بشمال سيناء في تحسن، لكن يحتاج مننا جهد أكبر وتعاون أهلنا في سيناء بشكل أكبر".


وقال الرئيس السيسي: «احنا مهجرناش حد.. كل كملة ليها معنى واللى عملناه فى سيناء ان كان فيه بيوت ومزارع ملاصقة للأنفاق فى قطاع غزة وعشان نتخلص من الموضوع ده كان لازم نخلى كيلو كيلو بمقابل والكلام ده محصلش فى 67.. مليارات ادفعت ومهجرناش حد إدينا فلوس للناس وأزلنا المزارع والمبانى علشان مش هنسمح تكون شوكة فى ظهر 100 مليون"، في ضوء رفضه لمصطلح مهجرين على نقل أهالينا فى سيناء بالمناطق الملاصقة للأنفاق، وتابع "مضيعناش الناس وبنبني في أماكن كاملة مثل رفح الجديدة والمجتمعات البدوية اللي قربت تخلص جاهزة، لازم الطيارة تنزل في سيناء والعريش وبكره تشوفوا».


واستشهد الرئيس السيسي بعدم قيام عمل إرهابي خلال فترة حضورة الجلسة العام للأمم المتحدة في نيويورك نهاية سبتمبر الماضي، مشيرًا: «متعملش عمل إرهابي وأنا في نيويورك لمدة أسبوعين، هما إدوا الفرصة للهدوء في سيناء علشان يتحركوا في مصر وأول ما المسألة فشلت في مصر كان في نفس اليوم خالو بالكم هما واحد».


واستكمل الرئيس السيسي خلال كلمته في الندوة التثقيفية الـ 31 للقوات المسلحة: «الموضوع بتاع سيناء يحتاج مزيد من الجهد والتعاون مع أهلنا في سيناء والمصلحة واحدة وحجم الأنفاق في 5 سنوات لم يحدث وبقوله مش من على أهلنا في سيناء لإن سيناء وأهلها ليها حق وليها في رقابتنا جميل لازم نرده كمان».


ads
ads
ads
ads
ads
ads
هل توافق على استبدال "التوك توك" بسيارات "فان"؟

هل توافق على استبدال "التوك توك" بسيارات "فان"؟